كفته البطاطس الساده وبالحشوات المختلفه كماااااان بالصور
محتويات موضوع كفته البطاطس
كفته البطاطس الساده
كفته البطاطس بالجبنه
كفته البطاطس باللحمه المفرومه
كفته البطاطس الساده
مقادير كفته البطاطس الساده
- نصف كيلو بطاطس
- 2 ملعقه بقسماط ناعم
- ملح
- فلفل اسود
- كمون
- كركم
- شبت مفروم
- كسبره مفرومه
- بقدونس مفروم
- 2 فص ثوم مفروم ناعم
- صفار بيضه
- كوب دقيق للتغليف
- زيت للقلى
خطوات تحضير كفته البطاطس الساده
- هنسلق البطاطس فى ميه مغليه ونسيبها لحد ما تستوى
- هنرفع البطاطس من على النار ونصفيها كويس ونبدا نقشرها ونهرسها كويس
- هنضيف للبطاطس المهروسه الشبت والكسبره والبقدونس والثوم والملح والفلفل والكسبره الناشفه والكركم وصفار البيضه والبقسماط
- هنخلطهم كويس اووى مع بعض ونبدا نشكلهم على هيئه كور او اصابع زى ما تحبى
- هنلف كفته البطاطس بالدقيق عشان نغلفها كويس وندخلها التلاجه ترتاح شويه
- هنسخن الزيت كويس بحيث يكون سخن وغزير ونبدا نقلى كفته البطاطس
- اول ما الكفته تاخد اللون الذهبى الغامق نطلعها على مناديل مطبخ عشان نتخلص من الزيت الزياده
- هنقدم الكفته مع رشه من الكسبره الخضرا وبالف هنااا
كفته البطاطس بحشو الجبنه
مقادير كفته الجبنه
- نصف كيلو بطاطس
- 2 معلقه بقسماط كبيرة ناعم
- فلفل الوان مقطع قطع صغيره
- ملح
- فلفل اسود
- كسبره ناشفه
- اى نوع جبنه
- للتغليف
- بيضه مخفوقه
- دقيق
- زيت للقلى
خطوات تحضير كفته البطاطس بالجبنه
- نسلق البطاطس فى مايه مغليه لحد ما تستوى
- بعد ما تسوى البطاطس هنرفعها من على النار ونقشرها ونهرسها
- نضيف لها البقسماط والفلفل الالوان المفروم والملح والفلفل والكسبرة
- هنخلطهم كويس مع بعض
- نبدا فى تشكيل الكفته كور ونضع الجبنه فى النصف ونلفها كويس ونكرر العمليه لحد ما نخلص كل الكميه
- نغلف كور كفته البطاطس فى البيض وبعدين الدقيق ونقليها فى زيت سخن وغزير لحد ما تاخد اللون اللى تفضليه
- نرفع كفته بطاطس الجبنه من الزيت على مناديل المطبخ
- تقدم كفته البطاطس بالجبنه ساخنه
كفته البطاطس باللحمه المفرومه
مقادير كفته البطاطس باللحمه المفرومه
- كيلو بطاطس مسلوقه ومهروسه
- ربع كيلو لحمه مفرومه ومتعصجه
- 2 معلقه كبيره بقسماط ناعم
- ملح وفلفل اسود
- فلفل اخضر مقطع قطع صغيره
- كسبره خضراء مفرومه ناعم
- للتغليف
- بيضه
- بقسماط
- زيت للقلى
خطوات تحضير كفته البطاطس باللحمه المفرومه
- هنخلط البطاطس المهروسه مع الملح والفلفل والكسبره المفرومه والفلفل الاخضر المفروم صغير ومعلقتين البقسماط كويس مع بعضهم
- هنشكل الكفته كور ونحط بها شويه لحمه متعصجه فى النصف ونقفلها كويس
- هنكرر العمليه لحد ما نخلص كل الكميه
- نغلف كور الكفته فى البيضه المخفوقه ومنها للبقسماط ونقليها فى زيت سخن غزير وتقدم ساخنه
ليست هناك تعليقات :