طريقه عمل الفته المصريه باللحمه

اسهل طريقه لعمل الفته 

الفته من الاكلات المصريه الشهيه جدا فهى تعد من الاكلات المميزه جدا والتى يعشقها الكثيرون فى مصر والعالم العربي باكمله ففى الاعياد والمواسم يفضل العالم العربي ان تكون الفته من اوائل الاطباق على المائده واليوم نقدم لكم اسهل طريقه لعمل الفته .

مكونات الفته 

كيلو لحمه مسلوقه 

مرقه لحمه 

كيلو ارز مغسول ومتصفى من الماء 

4 رغيف خبز محمص 

ثوم مفروم 

سمنه 

عصير طماطم 

خل 

ملح وفلفل 

خطوات تحضير الفته 

نشوح الارز المغسول والمتصفى في معلقتين كبار سمنه ونضيف عليه مرقه اللحمه ونضيف الملح ونسيبه على نار عاليه لحد ما يتشرب كل المرقه ونوطى النار لحد ما يستوى 

نحمر معلقه ثوم كبيره فى معلقه سمنه كبيره ونضيف عصير الطماطم والملح والفلفل ونسيبها تتسبك 

نحمص الخبز فى الفرن بعد ما نرشه بمعلقتين سمنه عشان يبقي سهل التكسير 

نحمر معلقه ثوم تانيه ونضيف عليها الحل وملح وفلفل 

فى صنيه التقديم نضع الخبز المحمص والمكسر ونضيف عليه شويه من خليط الثوم والخل وشويه مرقه لحم 

نغرف الارز على الخبز المحمص ونضيف عليه الصلصه وشويه من خليط الثوم والخل 

نحمر اللحمه ونضعها فوق الارز والصلصه ونضيف عليها من خليط التوم والخل