طريقه عمل الباميه باكثر من طريقه ويكا وطاجن باللحمه
الباميه من النباتات الصيفيه والتى يعشقها الكثيرون فى الوطن العربي فهى من الاطباق الممزه جدا على السفره العربيه وفى العزومات فالباميه لها اكثر من طريقه للطهى واليوم سوف نستعرض لكم طرق عمل الباميه
طريقه عمل الباميه
المقادير
نصف كيلو باميه مغسوله ومتنظفه كويس
بصله مفرومه ناعم
ثوم مفروم
ملح وفلفل اسمر
عصير طماطم
معلقه كبيره معجون صلصه الطماطم
معلقه كبيره سمنه
مكعب مرقه دجاج
طريقه عمل الباميه
فى وعاء على النار نسخن السمنه كويس وننزل بالبصله نشوحها لحد ما تاخد لون اصفر ةتدبل
ننزل بالثوم المفروم على البصله ونشوحهم مع بعض كويس
هضيف عليهم الباميه المتنظفه والمغسوله وهشوحها معهم
هننزل بعصير الطماطم والصلصه والملح والفلفل الاسود ومكعب المرقه ونقلب كويس
نتركهم على نار هاديه لمده نصف ساعه مع التقليب من الحين للاخر حتى تنضج
طاجن الباميه باللحمه
المقادير
باميه مغسوله ومتنظفه
نصف كيلو لحمه
ثوم مفروم
بصل مفروم
ملح وفلفل اسود
عصير طماطم
صلصه طماطم
سمنه
طريقه عمل طاجن الباميه باللحمه
نشوح اللحمه فى معلقه سمنه كبيره لمده ربع ساعه ونضيف عليها البصل والثوم المفرومين ونقلبهم مع بعض
نحضر الطاجن ونضع فيه اللحمه المشوحه بالبصل والثوم ونضيف فوقهم الباميه
نضيف عليهم عصير الطماطم والصلصه والبهارات والملح والفلفل وندخلهم فرن ساخن لمده 45 دقيقه حتى ينضج وياخد لون جميل
نقدم الطاجن مع رشه من البقدونس الاخضر الجميل وبالف هناااا
طريقه عمل الباميه الويكا
المقادير
باميه كبيره مغسوله ومقطعه شرائح رقيقه
2 كوبايه شوربه او مرقه
سمنه
ثوم مفروم
كسبره ناشفه
ملح وفلفل اسود
بهارات
طريقه عمل الباميه الويكا
هنغلي الشوربه على النار
ننزل بالباميه فى الشوربه ونسيبها لحد ما تستوى تماما
فى طاسه على النار هنحمر الثوم المفروم مع الملح والفلفل والكسبره ونضيفهم على الباميه والشوربه ونسيبهم يغلوا مع بعض على نار هاديه
تقدم الويكا ساخنه ويمكن اضافه عصره ليمون عليها
ليست هناك تعليقات :