الكشرى المصري بكل تفاصيله
الكشرى المصرى من الاكلات الشعبيه الشهيره فى الشارع المصرى فهو عباره عن مكرونه وعدس بجبه وارز بشعريه وصلصه ودقه بالثوم واليوم اقدم لكم طريقه عمل الكشرى المصري على اصوله
مقادير الكشرى المصري
- نصف كيلو ارز
- ربع كيلو شعريه
- نصف كيلو مكرونه مرمريه و اسباجيتى
- نصف كيلو عدس اسود بجبه منقوع
- كيلو طماطم معصوره ومصفاه
- ثوم مفروم
- زيت
- شطه
- ملح
- كمون
- كسبره ناشفه
- بصل مقطع جوانح
- ربع كيلو حمص منقوع قبلها
طريقه عمل الكشري المصري
- نرش على البصل المقطع جوانح رشه دقيق خفيفه ورش ملح
- نقلى البصل فى زيت غزير لحد ما نوصل لدرجه لون التحمير اللي بنفضلها
- نصفى البصل من الزيت ونطلعه على مناديل مطبخ عشان نتخلص من اى زيوت
- هنستخدم زيت تحمير البصل فى باقي الخطوات
- هنحمر الشعريه فى شويه زيت تحمير البصل ونضيف عليها الارز المغسول ونشوحهم كويس ونضيف ليهم الملح ومقدار الميه ونسيبه يتشرب ونهدي عليه لحد ما يستوي
- هنسلق العدس بجبه فى ماء مغلى وملح وشويه كمون
- هنسلق الحمص المنقوع من قبلها فى ماء مغلي ونصف معلقه ثوم مفروم وشويه كمون وملح
- هنسلق المكرونه فى ماء مغلى وملح وبعدها نصفيها ونقلب معاها معلقتين من زيت تحمير البصل عشان تلمع وتبقى مفلفله
- هنحمر الثوم المفروم فى شويه زيت من بتوع تحمير البصل وننزل عليهم بعصير الطماطم ونسيبهم يتسبكوا على نار هاديه ونضيف ليها الملح والفلفل وشويه كسبره ناشفه
- هنقلب معلقتين شطه كبار مع شويه زيت ومعلقتين صلصه ونسخنهم على النار
- شويه مايه مع معلقتين خل وثوم مفروم وعصره ليمونه وملح وكمون وكسبره
- يغرف الارز وفوقه المكرونه وفوقه العدس وبعده الحمص والصلصه ونزين بالبصل المقرمش ويقدم مع الشطه والدقه وبالف هنا
لمشاهده موضوع الكشرى المصرى فى حله واحده من هناااااا
ليست هناك تعليقات :