طاجن اللحمه بالبصل
تعد الطواجن من الاكلات الشعبيه المميزه جدا على السفره العربيه لما تمتاز به من قيمه غذائيه رائعه ومذاق شهى جدا واليوم نقدم لكم طاجن اللحمه بالبصل بكل تكاته ومكوناته وطريقه تحضيره وذلك لان طاجن اللحمه بالبصل من الطواجن المميزه جدا والتي يعشقها الكبار والصغار
مكونات طاجن اللحمه بالبصل
- كيلو لحمه
- كيلو بصل مقطع شرايح
- 2 فص ثوم كبير مفروم
- لتر عصير طماطم
- معلقه كبيره صلصه طماطم
- سمنه
- بهارات لحمه
- فلفل اسود
- ملح
- قرفه
- مستكه وحبهان
- ورق لورا
- نصف معلقه صغيره سكر
- فلفل رومي مقطع شرايح
خطوات عمل طاجن اللحمه بالبصل
- نسلق اللحمه كويس جدا بالفلفل الاسود وورق اللورا والحبهان والمستكه لحد ما تستوى تماما
- ننشل اللحمه من الشوربه ونصفيها كويس
- فى حله على النار نسخن معلقتين سمنه كويس وننزل عليهم باللحمه نشوحها وتاخد لون التحمير وبعدين نرفعها فى طبق خارجى
- فى نفس الحله ننزل بالبصل الشرايح ونشوح فيه كويس جدا لحد ما يدبل
- نضيف عليه الثوم المفروم والفلفل الرومي الشرايح وندبلهم مع بعض
- نضيف عليهم صلصه الطماطم وعصير الطماطم
- نضيف ليهم الملح والفلفل وبهارات اللحمه ونسيبهم يتسبكوا مع بعض شويه
تحضير طاجن اللحمه بالبصل
- نحضر الطاجن ونضيف فيه نصف كميه البصل بالصلصه فى قاع الطاجن
- نرص اللحمه فوق البصل
- نضيف باقى كميه البصل بالصلصه فوق اللحمه
- ندخل الطاخن فرن سخن على درجه حراره 200 لمده ربع ساعه لحد ما ياخد لون احمر وجميل
- يقدم طاجن اللحمه بالبصل مع رشه من الكسبره الخضراء على الوش مع طبق من الارز بالشعريه وبالف هناااا
لمشاهده موضوع طاجن الكوارع من هنااااا
ليست هناك تعليقات :